Զելենսկին արձագանքել է Թրամփի հայտարարությանը
Ուկրաինայի նախագահ Վլադիմիր Զելենսկին կոչ է արել ԱՄՆ նախկին նախագահ Դոնալդ Թրամփին հրապարակել խաղաղ կարգավորման իր ծրագիրը և հայտարարել է, որ պատրաստ է հանդիպել նրա հետ:
Bloomberg-ին տված հարցազրույցում Զելենսկին Թրամփին կոչ է արել Կիևին ասել, թե ինչպես ավարտել այս պատերազմը, եթե նա դա գիտի:
Գործակալությունը նաև նշել է, որ Ուկրաինայի առաջնորդը պատրաստ է հանդիպել ԱՄՆ նախկին նախագահի հետ, որպեսզի անձամբ լսի նրա առաջարկները:
Politico թերթն ավելի վաղ, վկայակոչելով իր աղբյուրներին, հայտնել էր, որ Թրամփը դիտարկում է գործարք կնքելու հնարավորությունը, որի համաձայն ՆԱՏՕ-ն պարտավորվում է այլևս չտարածվել դեպի արևելք, ինչպես նաև բանակցություններ վարել Ռուսաստանի նախագահ Վլադիմիր Պուտինի հետ այն մասին, թե ուկրաինական տարածքի որ մասը կարող է պահպանել Մոսկվան:
ՌԴ նախագահի մամուլի քարտուղար Դմիտրի Պեսկովը հայտարարել է, որ Պուտինը Թրամփի հետ բանակցություններ չի վարում Ուկրաինայի հարցով:
