ՏԵՍԱՆՅՈՒԹ․ Թուրքիայում անկարգությունները շարունակվում են․ նոր կադրեր

Թուրքիայի մի քանի քաղաքներում հակասիրիական խժդժությունները շարունակվում են: Անկարգություններ են եղել նաև Թուրքիայի այլ քաղաքներում՝ Կոնիայում, Բուրսայում և Ստամբուլում: 

Վերջին օրերին սիրիացիների և թուրքերի միջև լարվածությունն աճում է Թուրքիայում սիրիացի ներգաղթյալի կողմից երեխայի բռնաբարության հետ կապված վերջին միջադեպից հետո:

Դրանից որոշ ժամանակ անց Կայսերիում ջարդեր և անկարգություններ են սկսվել։ Իրավապահ մարմինները հայտարարում են անկարգություններին մասնակցած 70 մարդու ձերբակալության մասին:

Անհանգիստ է նաև բուն Սիրիայում. այնտեղ հարձակման է ենթարկվել բանակային համարներով թուրքական մեքենան։ Բաբ-էս-Սալամի մաքսակետում սիրիացիները հանել և պատռել են թուրքական դրոշը։

Թուրքիայի նախագահ Ռեջեփ Թայիփ Էրդողանը դատապարտել է սիրիացիների վրա հարձակումները.«Ոչինչի հնարավոր չէ հասնել հասարակության մեջ միգրանտների նկատմամբ այլատյացություն և ատելություն հրահրելով: Երեկ Կայսերիում փոքր խմբի կողմից իրականացված դժբախտ դեպքերի պատճառներից մեկը ընդդիմության թունավոր հռետորաբանությունն է»։