Թրամփը մասնակի անձեռնմխելիություն ունի. ԱՄՆ Գերագույն դատարան
ԱՄՆ Գերագույն դատարանը որոշում է կայացրել, որ Դոնալդ Թրամփը մասնակի անձեռնմխելիություն ունի։
Պահպանողական գլխավոր դատավոր Ջոն Ռոբերթսն ասել է, որ նախագահը «բացարձակ անձեռնմխելիություն» է վայելում պաշտոնավարման ընթացքում կատարած պաշտոնական գործողությունների համար:
«Ոչ պաշտոնական գործողությունների համար անձեռնմխելիություն չկա», - ասել է Ռոբերթսը` գործն ուղարկելով ստորադաս դատարան` պարզելու, թե արդյոք նախկին նախագահի դեմ մեղադրանքները առնչվում են պաշտոնական կամ ոչ պաշտոնական վարքագծին:
Դոնալդ Թրամփը այս որոշումը անվանել է ժողովրդավարության հաղթանակ։
«Մեծ հաղթանակ մեր սահմանադրության և ժողովրդավարության համար. Հպարտ եմ, որ ամերիկացի եմ»: - գրել է նա իր Truth Social սոցիալական ցանցում:
