Իսրայելը մոտ է ՀԱՄԱՍ-ի ռազմական հնարավորությունները վերացնելուն. Նեթանյահու

Իսրայելը մոտենում է Գազայի հատվածում պաղեստինյան ՀԱՄԱՍ շարժման ռազմական ներուժի վերացման ավարտին, երկուշաբթի հայտարարել է Իսրայելի վարչապետ Բենիամին Նեթանյահուն։

«Մենք մոտենում ենք ՀԱՄԱՍ-ի ոչնչացման փուլի ավարտին, մնացած պոտենցիալի վրա հարձակումները կշարունակվեն», - մեջբերում են արևմտյան լրատվամիջոցները Նեթանյահուի հայտարարությունը։

Անցյալ շաբաթ The Jerusalem Post-ը, վկայակոչելով իսրայելական բանակի շտաբի պետ Հերզի Հալևիին, հայտնել էր, որ Իսրայելի պաշտպանության ուժերը գործնականում ՀԱՄԱՍ-ի զինյալների «վերջը տվել են» Ռաֆահում:

«Մենք մոտենում ենք այն կետին, երբ կարող ենք ասել, որ ամբողջությամբ ոչնչացրել ենք Ռաֆահում տեղակայված ՀԱՄԱՍ-ի բրիգադը»,- ասել է Հալևին։

Միևնույն ժամանակ, Նեթանյահուն ասել է, որ իր երկիրը «հավատարիմ է մնում հրադադարի մասին Իսրայելի առաջարկին, որը ողջունվել է ԱՄՆ նախագահ Բայդենի կողմից»: Միաժամանակ նա բազմիցս նշել է, որ Իսրայելը «չի վերջացնի պատերազմը, քանի դեռ չի վերադարձնել բոլոր պատանդներին» և «ոչնչացրել ՀԱՄԱՍ»-ը։