Հայտնի է դարձել վերընտրվելու դեպքում Թրամփի «վրեժխնդրության» ծրագիրը
Դոնալդ Թրամփը ԱՄՆ նախագահական ընտրություններում հաղթելու դեպքում հետաքննություն կսկսի որոշ բարձրաստիճան պաշտոնյաների դեմ: Այդ մասին հայտարարել է նրա նախկին գլխավոր խորհրդական Սթիվ Բենոնը, որի խոսքերը մեջբերում է Politico-ն:
«Սա ամենևին էլ հատուցում չէ», - նշել է նա:
Բենոնն ընդգծել է, որ հնարավոր ցուցակում կլինեն ՀԴԲ-ի տնօրենի նախկին պաշտոնակատար Էնդրյու Մաքքեյբը, ՀԴԲ-ի նախկին տնօրեն Ջեյմս Քոմին, պաշտպանության նախկին նախարար Մարկ Էսպերը, միացյալ շտաբների պետերի նախկին նախագահ Մարկ Միլին եւ նախկին գլխավոր դատախազ Ուիլյամ Բարը: Նրա կարծիքով, եթե այդ մարդիկ ոչ մի անօրինական բան չեն արել, ապա վախենալու ոչինչ չունեն։
ԱՄՆ նախագահի ընտրությունները տեղի կունենան 2024 թվականի նոյեմբերի 5-ին։ Նախընտրական մրցապայքարում գլխավոր մրցակիցներն են պետության գործող ղեկավար, դեմոկրատ Բայդենը և ԱՄՆ նախկին առաջնորդ, հանրապետական Թրամփը: Ուրբաթ օրը թեկնածուները հանդիպել են նախընտրական բանավեճերի առաջին փուլում:
