Շվեյցարիան 2-0 հաղթեց ու հետագա պայքարից դուրս թողեց Եվրոպայի գործող չեմպիոն Իտալիային․ շվեյցարացիները 1/4 եզրափակիչում են։

Խաղի հաշիվը մոտ տարածությունից 37'-ին բացեց Շվեյցարիայի կիսապաշտպան Ռեմո Ֆրոյլերը, որին իտալացիների տուգանային հրապարակում փոխանցում կատարեց Ռուբեն Վարգասը։

Իսկ արդեն արդեն 2-րդ խաղակեսի սկզբում աչքի ընկավ հենց Վարգասը։ 46-րդ րոպեին հարձակվողը հեռահար գեղեցիկ հարվածով գրավեց Իտալիայի ավագ Ջանլուիջի Դոննարումմայի դարպասը։ Փոխանցումը կատարեց կիսապաշտպան Միշել Էբիշերը։

74-րդ րոպեին հարձակվող Ջանլուկա Սկամակկան կարող էր կրճատել խաղի հաշիվը, սակայն գնդակը դիպավ դարպասաձողին։

Ռուբեն Վարգասը ճանաչվեց Իտալիայի դեմ հաղթական հանդիպման խաղացող։