Մի քանի երկրներ դեմ են ՌԴ սառեցված ակտիվներից եկամուտները Կիևին փոխանցելուն
Եվրամիությանը (ԵՄ) միանալու թեկնածու երկրները՝ Վրաստանը, Մոլդովան և Սերբիան, չեն միացել ռուսական սառեցված ակտիվներից Կիևին եկամուտները փոխանցելու որոշմանը։ Այս մասին ասված է Եվրամիության արտաքին քաղաքականության ծառայության ղեկավար Ժոզեպ Բորելի հայտարարության մեջ։
Նա պարզաբանել է, որ ԵՄ մնացած թեկնածուները՝ Հյուսիսային Մակեդոնիան, Չեռնոգորիան, Ալբանիան, Ուկրաինան, Բոսնիա և Հերցեգովինան, աջակցել են ռուսական ակտիվներից եկամուտները Կիևին փոխանցելու որոշմանը։ Նախաձեռնությանը միացել են նաև Եվրոպական ազատ առևտրի գոտու անդամ երկրները՝ Իսլանդիան, Նորվեգիան և Լիխտենշտեյնը, հավելել է Բորելը։
Նա ընդգծել է, որ ԵՄ-ն ողջունել է այս երկրների որոշումը։
Հիշեցնենք՝ Եվրամիության երկրները մայիսի 21-ին հաստատել են Ռուսաստանի Դաշնության Կենտրոնական բանկի սառեցված ակտիվներից շահույթների օգտագործման պլանը։ Հունիսի 24-ին Բորելը հայտարարել է, որ ԵՄ երկրների արտգործնախարարները համաձայնության են եկել Ռուսաստանի սառեցված ակտիվներից եկամուտները Խաղաղության եվրոպական հիմնադրամին՝ Ուկրաինայի համար զենք գնելու նպատակով փոխանցելու վերաբերյալ:
Նմանատիպ հոդվածներ
ԱՄՆ-ից մեկնաբանել են Հայաստանի կողմից Ֆրանսիայից սպառազինություն գնելը
Եղիշե Կիրակոսյանը պատրաստվում է հրաժարակա՞ն տալ․ գրասենյակից մեկնաբանել են
Ոչ մեկ չի կարող դրա դեմն առնել, երբ դա դառնա հասունացած օրակարգ հանրության համար․ Փաշինյան
Նիկոլ Փաշինյանը` ՀՀ-ն ԵՄ-ին անդամագրվելու համար հանրաքվե անցկացնելու հնարավորության մասին
Ավելին Քաղաքականություն բաժնից
ԱՄՆ-ն արտաքսում է Իրանցի գեներալի ընտանիքին. Ռուբիո
Ովքեր պետական դավաճանություն են արել՝ ներում չունեն. Նարեկ Կարապետյան
ՌԴ Պետդումայում բարձրացվել է մոբիլիզացիայի հարցը
