Մեր շարժման տրամաբանությունը լինելու է այն, ինչով մենք սկսել ենք, այսօր հայտարարել է Բագրատ Սրբազանը:

«Վերստին ուզում եմ կրկնել՝ մեր շարժման հիմքը, էությունը, բովանդակությունը բարձր իմաստով հոգևոր է։ Եթե նկարագրելու լինենք տեսակով՝ ազգային ազատագրական է, իսկ վերջնահանգրվանի լուծումները քաղաքական են։

«Շարժումը նաև ստի դեմ է: Մենք գիտենք, որ ստի հայրը սատանան է, ուրեմն, լայն իմաստով, մեր շարժումը չարիքի դեմ է, չարիքի մարմնավորման դեմ է, այն չարիքի, որը վիշապի պես նստած է զուլալ աղբյուրի ակունքին ու ոչ միայն խմում է այդ ջրերը՝ փչացնելով, սպառելով ու ոչնչացնելով, այլև միևնույն ժամանակ ծարվի է մատնում ողջ ժողովրդին։ Այդ չարիքը լինելու է մեր թիրախը, մեր հիմնական թիրախը, այն վերացնելն է լինելու մեր թիրախը, ազատագրությունը»,- ասել է  նա:

Ըստ Սրբազանի՝ շարժման քաղաքական լուծումներին, ապա դրա պահանջը, իրենք արդեն դրել են։

«Լուծումները տարաբնույթ են, բայց մեկն է թիրախը՝ ազատագրում չարիքից։ Եվ դա քաղաքական լուծում է։ Մեր պայքարն այդպես է լինելու»,- ասաց Բագրատ Սրբազանը։