ՌԴ-ում աղջիկը մանկական խաղից հետո ծանր վիճակում, կոմայի մեջ հայտնվել է հիվանդանոցում
Լիպեցկում աշակերտուհին մանկական խաղից հետո ծանր վիճակում հայտնվել է հիվանդանոցում։ Այս մասին հայտնում է մարզային կառավարությունը։
Երեխան պահմտոցի էր խաղում, բայց ինչ-որ պահի ընկել էր բարձրությունից։ Թե որտեղից է ընկել իննամյա աղջիկը, այլ մանրամասներ չեն հաղորդվում: Հայտնի է, որ նրան բուժհաստատություն են տեղափոխել կոմայի մեջ։
Պարզվել է, որ տուժածը բազմաթիվ վնասվածքներ է ստացել, այդ թվում՝ ներքին օրգանների, հիվանդի գանգը ստիպված են եղել «մաս-մաս հավաքել», նա չի կարողացել ինքնուրույն շնչել։ Աղջկա փրկությանը ներգրավել են մասնագետների երեք խումբ։
Այս պահին երեխան տանն է, նրա կյանքին վտանգ չի սպառնում։ Այժմ նա նորից սովորում է քայլել։
