Եվրամիությունն ու Ուկրաինան Կիևի համար անվտանգության երաշխիքների մասին համաձայնագիր են կնքել։

Փաստաթուղթը ուկրաինական կողմից ստորագրել է նախագահ Վլադիմիր Զելենսկին, որը դրա համար ժամանել է Բրյուսել։ Եվրոպական կողմից ստորագրել են Եվրահանձնաժողովի նախագահ Ուրսուլա ֆոն դեր Լեյենը և Եվրախորհրդի նախագահ Շառլ Միշելը։

Հաղորդվում է, որ փաստաթուղթը պաշտոնապես կամրապնդի Կիևին աջակցելու ԵՄ մի շարք նախաձեռնություններ, ներառյալ զենքի մատակարարումը, ուկրաինացի զինվորականների ուսուցումը, ականազերծումը, ինչպես նաև համագործակցությունը կիբեր և հիբրիդային սպառնալիքների դեմ պայքարում: Դաշինքից նոր պարտավորություններ չեն սպասվում։