Վարչապետի աշխատակազմի ղեկավար Արայիկ Հարությունյանն աշխատանքային այցով մեկնել է Ֆրանսիայի Հանրապետություն:

Այս մասին հայտնում են ՀՀ վարչապետի աշխատակազմից:

Արայիկ Հարությունյանը Փարիզում հունիսի 27-ին մասնակցելու է Ֆրանկոֆոնիայի խաղերի դրոշը Հայաստանի Հանրապետությանը փոխանցելու պաշտոնական արարողությանը:

Ըստ աղբյուրի՝ Ֆրանկոֆոնիայի խաղերը 2027 թվականին Հայաստանի Հանրապետությունում անցկացնելու առթիվ Ֆրանկոֆոնիայի միջազգային կազմակերպության հետ ստորագրվելու է հուշագիր: