Մակրոնն ասել է` արդյոք պատրաստ է Պուտինի հետ երկխոսության
Ֆրանսիայի նախագահ Էմանուել Մակրոնը հայտարարել է, որ կշարունակեր երկխոսությունն իր ռուսաստանցի պաշտոնակից Վլադիմիր Պուտինի հետ։ Այս մասին հայտնում է ՏԱՍՍ-ը։
«Ես կշարունակեի երկխոսությունը Վլադիմիր Պուտինի հետ: Ոչ, վերջին ամիսներին մենք չենք շփվում, բայց ես չեմ բացառում զրույցի հնարավորությունն այս կամ այն թեմայի շուրջ» - ասել է Մակրոնը Generation Do It Yourself-ի փոդքաստում::
Մակրոնը նշել է, որ հավատում է երկխոսության ուժին:
«Լիովին անկեղծ եմ ասում՝ կարծում եմ, որ միշտ կարևոր է շարունակել երկխոսությունը», - ասել է նախագահը և հավելել, որ ՌԴ նախագահի հետ կքննարկեր, մասնավորապես, ատոմային էլեկտրակայանների թեման՝ չպարզաբանելով, թե կոնկրետ ինչ նկատի ունի։
Պուտինն ավելի վաղ հայտարարել է, որ Մոսկվան պատրաստ է փոխգործակցելու Փարիզի հետ, եթե ֆրանսիական կողմը նման ձգտում ունենա։
