Ռուսաստանը միջոցներ կձեռնարկի Ուկրաինայի զինված ուժերին էներգետիկ օբյեկտների վրա հարձակվելու հնարավորությունից զրկելու համար. ՌԴ ԱԳՆ
Ռուսաստանը միջոցներ կձեռնարկի Ուկրաինային էներգետիկ օբյեկտների վրա հարձակվելու հնարավորությունից զրկելու համար, հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ Էներգոդարի հերթական գնդակոծության ֆոնին։
Նրա խոսքով՝ Ուկրաինայի Զինված ուժերի համակարգված հարձակումները Զապորոժիեի ատոմակայանի և այլ էներգետիկ օբյեկտների վրա վկայում են երկրի տնտեսությանը վնաս հասցնելու և տեխնածին վթարների ռիսկի մասին, որոնք կարող են վտանգել աշխարհամասի ողջ միջուկային անվտանգությունը։
«Գիտակցելով Զելենսկու ռեժիմի բանակցելու լիակատար անկարողությունը՝ մեր երկիրը կձեռնարկի բոլոր անհրաժեշտ միջոցները դրա դեմ՝ Կիևի ռեժիմին նման հարձակումներ իրականացնելու հնարավորությունից զրկելու համար», - ասել է դիվանագետը։
Նախկինում Զապորոժիե ԱԷԿ-ի ենթակառուցվածքային օբյեկտների գործունեությունը խաթարվել էր «Ռադուգա» ենթակայանի վրա Ուկրաինայի զինված ուժերի հարձակման պատճառով։
