Վրաստանն ունի ազգային կարևոր խնդիր՝ անդամակցել ԵՄ–ին. Իրակլի Կոբախիձե
Վրաստանը հավակնոտ նպատակ ունի՝ դառնալ Եվրամիության անդամ մինչև 2030 թվականը։ Բեռլինում իր ելույթի ժամանակ նման հայտարարություն է արել Վրաստանի վարչապետ Իրակլի Կոբախիձեն: Այս մասին հայտնում է РИА Новости–ն:
«Մենք ունենք շատ կարեւոր ազգային խնդիր՝ անդամակցել Եվրամիությանը... Այսօր մեր երեխաները արտասովոր կերպով երգեցին ԵՄ հիմնը, և ես համոզված եմ, որ այդ երեխաների ապագան ԵՄ-ում է»,- ասել է Կոբախիձեն։
Նրա խոսքով՝ այս նպատակին հասնելու համար կարեւոր է Վրաստանին բարեկամ գործընկերների եւ երկրների աջակցությունը։
