ՏԵՍԱՆՅՈՒԹ. Արման Բաբաջանյանն ԱԺ-ի ամբիոնից Եվրամիության դրոշը կախեց և ի հակադրություն դրոշի՝ կալոշ թափահարեց
«Հանուն հանրապետության» կուսակցության նախագահ Արման Բաբաջանյանն Ազգային ժողովի ամբիոնից Եվրամիության դրոշը կախեց։
Իսկ մինչ այդ, նա մի կալոշ հանեց և օդում թափահարելով՝ ասաց. «Սա խորհրդանշում է մեր փողոցներում վերջին օրերին հետադիմական, նաև արտաքին քաղաքական այն խայտառակությունը, որը մեզ ուզում է տանել դեպի մահ, կործանում։ Այս թունավոր միջավայրից մեզ ազատում է պետք, և այդտեղ երկու կարծիք չի կարող լինել։ Սա պետք է ուղղակի շպրտվի մեր իրականությունից»,-ասաց նա։
Իսկ դրոշը կախելով՝ ասաց. «Որպեսզի պատկերավոր լինի այս քննարկումը, կուզեմ՝ այս ամբիոնից կարողանանք այս դրոշի ներքո անցկացնել այս քննարկումները։ Կարծում եմ՝ շատ ավելի գեղեցիկ և պատկերվոր կլինի»։
Նա դրոշի վրա դրեց կալոշը․«Էս էլ կալոշը»։
Դահլիճից ծափահարություններ հնչեցին։
