Դրա համար հարմար պահ է պետք․ Օլաֆ Շոլց

Գերմանիայի կանցլեր Օլաֆ Շոլցը գերմանական առաջին ARD հեռուստաալիքի եթերում հայտարարել է, որ չի բացառում Ռուսաստանի նախագահ Վլադիմիր Պուտինի հետ շփման վերսկսումը:

Շոլցի խոսքով՝ ինքը Պուտինի հետ խոսել է ուկրաինական հակամարտության սկսվելուց առաջ և հետո:

«Ես... միշտ ասել եմ, որ ես նորից դա կանեմ, բայց դրա համար հարմար պահ է պետք. պետք է քննարկման առարկա լինի, որպեսզի իմաստ լինի», - ասել է Շոլցը՝ պատասխանելով հաղորդավարի այն հարցին, թե արդյոք կանցլերը մտածում է Ռուսաստանի առաջնորդի հետ կրկին կապ հաստատելու մասին։

«Բայց նման բանակցություններն իմաստ ունեն միայն այն ժամանակ, երբ կոնկրետ բան կա քննարկելու։ Դա է պատճառը, որ ես վաղուց դա չեմ արել: Բայց ես չեմ ուզում, որ զգացողություն լինի, որ դա բացառված է», - հավելել Է Շոլցը։