Խաղաղության պայմանները կփոխվեն, եթե Կիեւը հրաժարվի Մոսկվայի նոր առաջարկից. Պուտին
Նախագահի խոսքով՝ «երկրի վրա, մարտական շփման գծում իրողությունները հետագայում ևս փոխվելու են ոչ հօգուտ Կիևի ռեժիմի, և բանակցություններ սկսելու պայմաններն այլ կլինեն»:
Ռուսաստանի Նոր խաղաղ առաջարկից Կիևի և Արևմուտքի հրաժարվելը կհանգեցնի առաջարկվող պայմանների փոփոխության, քանի որ Կիևի համար իրավիճակը կվատթարանա մարտի դաշտում: Այս մասին հայտարարել է ՌԴ նախագահ Վլադիմիր Պուտինը ՌԴ ԱԳՆ ղեկավարության հետ հանդիպման ժամանակ։
«Եթե Կիևում և արևմտյան մայրաքաղաքներում նրանից, ինչպես և նախկինում, նույնպես հրաժարվեն, ապա, ի վերջո, դա նրանց գործն է, նրանց քաղաքական և բարոյական պատասխանատվությունը արյունահեղությունը շարունակելու համար։ Ակնհայտ է, որ երկրի վրա, մարտական շփման գծում իրողությունները հետագայում ևս փոխվելու են ոչ հօգուտ Կիևի ռեժիմի, և բանակցություններ սկսելու պայմաններն այլ կլինեն»:
