![Երկիրը կարող է սահմանել բարձր նշաձողեր․ ֆինանսների նախարար](https://auroranews.am/storage/img/base_image/2024-06-12/66696e56c38c6.webp)
Երկիրը կարող է սահմանել բարձր նշաձողեր․ ֆինանսների նախարար
![Երկիրը կարող է սահմանել բարձր նշաձողեր․ ֆինանսների նախարար](https://auroranews.am/storage/img/base_image/2024-06-12/66696e56c38c6.webp)
Հայաստանի վերջին տարիների զարգացումները և թռիչքային աճը վկայում են, որ երկիրը կարող է սահմանել բարձր նշաձողեր: Այս մասին, այսօր՝ հունիսի 12-ին, ԱԺ-ում 2023 թվականի պետական բյուջեի կատարման տարեկան հաշվետվության ներկայացման ժամանակ նշել է ՀՀ ֆինանսների նախարար Վահե Հովհաննիսյանը:
«Վերջին տարիների զարգացումները և թռիչքային աճն իսկապես վկայում են, որ Հայաստանը կարող է սահմանել բարձր նշաձողեր: Այդ նշաձողերի սահմանման և դրանց հասնելու ճանապարհին, բարեբախտաբար, այլևս մեծ դեր չունեն պաթետիկ արտահայտություններն ու հայրենասիրական դատարկ ճառերը»,–ասաց Վահե Հովհաննիսյանը:
Նախարարն ակնհայտ համարեց, որ ամեն քաղաքացու ջանքի և աշխատանքի իրագործման, դեպի գերազանցության ձգտումն է, որ ապահովելու է այդ նշաձողի իրագործումը:
«Ակնհայտ է, որ մեր քաղաքականությունն այդ իմաստով տնտեսվարողի և սպառողի, Հայաստանի ամեն քաղաքացու համար վայելուչ և մրցունակ միջավայրի ապահովումն է: Միջակության համախտանիշը, ինչով վարակված ենք բոլորս, պետք է հաղթահարվի: Եվ այն, ինչ կոչվում է գերազանցություն, պետք է դառնա ապրելակերպ մրցակցային արդար և արժանավայել պայմաններում: Խոսքս ինքնակատարելագործման, կյանքի և հայրենիքի նկատմամբ գիտակցված պատասխանատվության մասին է»,–եզրափակեց նա: