Ֆիդանն ու Նարիշկինը քննարկել են Երևանի և Բաքվի միջև խաղաղության պայմանագիրը
Ռուսաստան ժամանած Թուրքիայի արտգործնախարար Հաքան Ֆիդանը Մոսկվայում հանդիպել է Արտաքին հետախուզության ծառայության տնօրեն Սերգեյ Նարիշկինի հետ: Այդ մասին հայտնում է Sabah թերթը՝ վկայակոչելով դիվանագիտական աղբյուրները։
Հիշեցնենք՝ ավելի վաղ հաղորդվել էր, որ Ֆիդանը բանակցություններ է վարել նաև ՌԴ Անվտանգության խորհրդի քարտուղար Սերգեյ Շոյգուի հետ: Ինչպես նշել են աղբյուրները, քննարկվել են Ուկրաինայի իրադրությունը, Գազայի հատվածում, Սիրիայում և Հայաստանի ու Ադրբեջանի միջև խաղաղության պայմանագրի կնքման շուրջ բանակցությունները:
Sputnik Азербайджан-ն իր հերթին հայտնում է՝ Ֆիդանն ու Նարիշկինը քննարկել են Բաքվի և Երևանի միջև խաղաղության պայմանագիրը։
Նշենք՝ Ռուսաստան այցի շրջանակներում Ֆիդանը Նիժնի Նովգորոդում կմասնակցի BRICS+ - ի երկրների ԱԳ նախարարների հանդիպմանը: Սպասվում են բանակցությունները ռուս պաշտոնակից Սերգեյ Լավրովի հետ, նշում են թուրքական դիվանագիտական աղբյուրները։
