11 մարդ վնասվածքներ է ստացել հրդեհները մարելու ժամանակ, որոնք առաջացել են Իսրայելի տարածքի վրա «Հեզբոլլահի» հարձակումների հետևանքով: Այս մասին հայտնում է Yediot News պարբերականը։

Հաղորդվում է, որ հրթիռակոծություններից և անօդաչու թռչող սարքերի հարձակումներից հետո չոր խոտ է բռնկվել, իսկ Իսրայելի հյուսիսում գտնվող Կիրյաթ Շմոնա քաղաքում և նրա հարևան մի քանի բնակավայրերում կրակը հասել է բնակելի տների: Տեղի է ունենում բնակիչների արտակարգ տարհանում, երկրի այլ շրջաններից ուղարկվում են լրացուցիչ հրշեջ հաշվարկներ։

Ավելի վաղ մի քանի մարդ էր զոհվել Հալեպ քաղաքի մերձակայքի վրա իսրայելական հարձակման հետևանքով: Այս մասին հայտնում է Սիրիայի պաշտպանության նախարարությունը։

Նախօրեին հուսիները հայտարարել էին իսրայելական Էյլաթում ռազմական թիրախի հարձակման մասին։ Հարվածը հասցվել Է բալիստիկ հրթիռով։