Նոր կադրեր են տարածվել՝ ինչպես են ֆրանսիական զորքերը մուտք գործում Նոր Կալեդոնիա։ 

Նշենք, որ Ֆրանսիայի հատուկ վարչատարածքային միավորում հանդիսացող Նոր Կալեդոնիայում անկարգությունները շարունակվել են երրորդ գիշերը։ Անկարգությունների վերածված բողոքի ցույցերի ընթացքում 4 մարդ է զոհվել, հարյուրավոր մարդիկ ձերբակալվել են։

Ֆրանսիան Նոր Կալեդոնիայում արտակարգ դրություն է հայտարարել՝ լրացուցիչ լիազորություններ տալով իշխանություններին՝ արգելելու հավաքները և սահմանափակելու մարդկանց տեղաշարժը կղզում։ 

Նշենք, որ խռովությունների առիթ է դարձել Ֆրանսիայի խորհրդարանի կողմից ընդունված օրինագիծը, որով նահանգային ընտրություններում ընտրելու իրավունք է տրվում Ֆրանսիայի այն քաղաքացիներին, որոնք 10 տարի ապրել են Նոր Կալեդոնիայում։ Ըստ տեղացի ղեկավարների՝ դա կթուլացնի բնիկների էլեկտորալ ազդեցությունը։