ՏԵՍԱՆՅՈՒԹ․ Ուժգին քամին փոշու փոթորիկ և հրդեհներ է առաջացրել Իրկուտսկում
Վայրկյանում մինչև 28-30 մետր ուժգնությամբ քամին Իրկուտսկում փոշու փոթորիկ է առաջացրել և հրդեհի առաջացման մեծ վտանգ ստեղծել. փրկարարներն աշխատում են միանգամից մի քանի հրդեհների մարման ուղղությամբ: Տեղեկությունը հայտնում է Իրկուտսկի մարզի արտակարգ իրավիճակների նախարարությունը։
Տարածաշրջանի արտակարգ իրավիճակների վարչության տվյալներով՝ Իրկուտսկի Շևցովի փողոցում ստորաբաժանումները վերացնում են մասնավոր բնակելի շենքում և տնտեսական շինություններում բռնկված հրդեհը: Հրդեհը մեկուսացվել է 100 քմ մակերեսով։ Շարունակվում է Տրակտովայա փողոցում բռնկված հրդեհի մարումը, այնտեղ տնաշինական շինություններ են հրդեհվել: Հրշեջներն աշխատում են նաև Մաքսիմովշչինա գյուղում՝ դպրոցական փողոցում, որտեղ նույնպես մասնավոր բնակելի շենք է հրդեհվել:
Ջրհեղեղի պատճառով հարկադիր տարհանում է հայտարարվել ՌԴ Կուրգանի մարզում
Եվս մեկ հրդեհ է բռնկվել Դորոժնայա փողոցի մասնավոր տներից մեկի բակում։ Հրդեհից վնասվել են տունն ու բաղնիքը։
Քաղաքի վարչակազմի մամուլի ծառայության տվյալներով՝ քամու պոռթկումները հասել են վայրկյանում 28-30 մետրի:
