Որ երկրներն են ճանաչել Հայոց ցեղասպանությունը
Օսմանյան կառավարության կողմից իրականացրած Հայոց ցեղասպանության փաստը հիմնավորվել, ճանաչվել ու հաստատվել է ականատեսների վկայություններով, օրենքներով, բանաձևերով և բազմաթիվ նահանգների ու միջազգային հեղինակավոր կազմակերպությունների որոշումներով: 1915-23թթ. Օսմանյան կայսրությունում հայ բնակչության մասսայական կոտորածները որպես նախապես ծրագրավորված ու հետևողականորեն իրագործած ցեղասպանական ակտ որակող փաստաթղթերի ամբողջական շարքը հսկայական է:
Հայոց ցեղասպանությունը պաշտոնապես ճանաչած առաջին երկիրն Ուրուգվայն է (1965թ.)։
Ցեղասպանությունն ամբողջությամբ ճանաչվել է աշխարհի ավելի քան 30 երկրների կողմից։
Ցեղասպանությունը ճանաչել են Կիպրոսը (1982թ․), Ռուսաստանը (1995թ․), Հունաստանը (1996թ․), Լիբանանը (1997թ․), Բելգիան (1998թ․), Վատիկանը, Իտալիան (2000թ․), Ֆրանսիան (2001թ․), Շվեյցարիան, Կանադան (2002թ․), Արգենտինան, Սլովակիան, Նիդեռլանդները (2004թ․), Վենեսուելան, Լեհաստանը, Լիտվան (2005թ․), Չիլին (2007թ․), Շվեդիան (2010թ․), Բոլովիան (2014թ․), Ավստրիան, Լյուքսեմբուրգը (2015թ․), Գերմանիան (2016թ․), Դանիան, Չեխիան (2017թ․), Պորտուգալիան (2019թ․), Սիրիան (2020թ․), ԱՄՆ-ն, Լատվիան (2021թ․), Մեքսիկան (2023թ․)։
Մասամբ ճանաչել են Իսպանիան, Բրազիլիան, Մեծ Բրիտանիան, Ավստրալիան, Ուկրաինան։
Աղբյուրը՝ ԱԳՆ, Հայոց ցեղասպանության թանգարան։
