Էրդողանը Նեթանյահուին անվանել է «ներկայիս Հիտլեր»

Թուրքիայի նախագահ Ռեջեփ Թայիփ Էրդողանն Իսրայելի վարչապետ Բենիամին Նեթանյահուին համեմատել է նացիստական Գերմանիայի առաջնորդ Ադոլֆ Հիտլերի հետ և ասել, որ Իսրայելի ղեկավարությունը չի կարողանա խուսափել իր հանցագործությունների պատասխանատվությունից։ Այս մասին նա հայտարարել է Բաղդադից վերադառնալուն պես: 

«Մենք կշարունակենք բացահայտել ճշմարտությունը և բացահայտել Իսրայելի գործած սպանությունները: Մենք պետք է իմանանք, որ ներկայիս Հիտլերը՝ Նեթանյահուն, և նրա հանցակիցները չեն կարողանա խուսափել պատասխանատվությունից: Անկախ նրանից, թե որքան հեռու նա վազի, մենք կհետևենք նրան», - ասել է Թուրքիայի ղեկավարը:

Էրդողանը նշել է, որ Իսրայելի իշխանությունների կողմից Գազայի հատվածի օկուպացիան «դռները կբացի նոր օկուպացիաների առաջ և կուժեղացնի իսրայելական ագրեսիան»։

Թուրքիայի նախագահն իր խոսքը եզրափակել է. «Եթե իսլամական աշխարհը չարթնանա Գազայում տեղի ունեցած ջարդերից, որը կոչվում է ցեղասպանություն, ապա կբախվի իր ռեֆլեքսներն ամբողջությամբ կորցնելու վտանգի առաջ»: