Ալիևն ու Պուտինը քննարկել են հայ-ադրբեջանական հարաբերությունները․ Հաջիև
Ադրբեջանի նախագահի օգնական Հիքմեթ Հաջիևը հայտարարել է, որ Բաքուն բավական դրական է գնահատում Ադրբեջանի նախագահ Իլհամ Ալիևի ՝ Ռուսաստան կատարած այցի արդյունքները:
Նա նշել է, որ քննարկել են նաև հայ-ադրբեջանական հարաբերությունները։
«Հանդիպման ընթացքում քննարկվել է «Հյուսիս-Հարավ» միջազգային տրանսպորտային միջանցքը, պետությունների ղեկավարները հանձնարարականներ են տվել կառավարությունների ներկայացուցիչներին՝ անհրաժեշտ քայլեր ձեռնարկել այդ նախագծի իրականացման ուղղությամբ: Նախագահ Ալիեւը նշել է, որ Ադրբեջանը և Ռուսաստանը կապող երկաթգիծ կա, սակայն 15 միլիոն տոննա բեռների ակնկալվող ծավալի տեղափոխման համար գոյություն ունեցող ենթակառուցվածքը պետք է համապատասխանաբար ընդլայնվի:
Երկու երկրների ղեկավարները քննարկել են նաև Ադրբեջանի և Հայաստանի միջև խաղաղության պայմանագրի շուրջ բանակցությունները: Նախագահ Իլհամ Ալիևը բարձր է գնահատել այս ոլորտում Ռուսաստանի դերն ու ջանքերը», - նշել է Հաջիևը։
