Պեսկովն ասել է՝ ինչ կքննարկեն Պուտինն ու Ալիևը

Ռուսաստանի և Ադրբեջանի նախագահներ Վլադիմիր Պուտինը և Իլհամ Ալիևը Կրեմլում կքննարկեն երկու երկրների հարաբերությունները, նրանց հանդիպումը կշարունակվի աշխատանքային նախաճաշի շուրջ։ Այս մասին ճեպազրույցում ասել է ՌԴ նախագահի մամուլի քարտուղար Դմիտրի Պեսկովը։

«Կրեմլում երկու պետությունների ղեկավարների միջև զրույց կլինի»,- ասել է ՌԴ նախագահի մամուլի քարտուղարը։

Կրեմլի ներկայացուցիչը նաև ընդգծել է. «Ադրբեջանը մեր լավ առևտրատնտեսական գործընկերն է, կան մեծ ռեսուրսներ փոխգործակցության ողջ ներուժն ընդլայնելու համար»։

Պեսկովը հիշեցրել է, որ Մոսկվան Բաքվի երրորդ կարևորագույն առևտրային գործընկերն է Իտալիայից և Թուրքիայից հետո։

Երկկողմ հարաբերություններից բացի, Պուտինն ու Ալիևը կքննարկեն նաև տարածաշրջանի խնդիրները:

«Տարածաշրջանային գործերը միշտ ակտիվորեն քննարկվում են ելնելով կառուցողական դաշնակցային հարաբերություններից», - նշել Է Պեսկովը ։