Թենեսիում երեկույթի ժամանակ հրաձգություն է եղել. կան զոհեր ու վիրավորներ

Առնվազն երկու մարդ Է զոհվել, եւս 14-ը վիրավորվել են Մեմֆիսում (Թենեսի նահանգ) երեկույթի ժամանակ տեղի ունեցած հրաձգության հետեւանքով: Այս մասին ասվում է քաղաքային ոստիկանության X-ի էջում հրապարակված հաղորդագրության մեջ:

Տուժածներից երեքը ծայրահեղ ծանր վիճակում հոսպիտալացվել են։ Հրաձգությունը տեղի է ունեցել փողոցային երեկույթի ժամանակ, որը, ըստ ոստիկանության, իրականացվել է առանց թույլտվության: Ընդհանուր առմամբ, դրան ներկա է եղել 200-300 մարդ։