Նեթանյահուն շնորհակալություն է հայտնել ԱՄՆ-ին ռազմական օգնության համար
Իսրայելի վարչապետ Բենիամին Նեթանյահուն շնորհակալություն է հայտնել ԱՄՆ կոնգրեսականներին օրինագիծն ընդունելու համար, որը ներառում է Իսրայելին ռազմական օգնություն ցուցաբերելը: Նրա կարծիքով՝ այդ միջոցները կուղղվեն Արևմուտքի ողջ քաղաքակրթության պաշտպանությանը։
«ԱՄՆ Կոնգրեսը ձայների ճնշող մեծամասնությամբ ընդունեց մեծ գնահատանքի արժանի օգնության օրինագիծը, որը ցույց է տալիս ուժեղ երկկուսակցական աջակցություն Իսրայելին և պաշտպանում է արևմտյան քաղաքակրթությունը։ Շնորհակալություն ընկերներ, Շնորհակալություն Ամերիկա»,- գրել Է նա X-ում:
Ամերիկացի կոնգրեսականներին երախտագիտության խոսքեր է հղել նաև հրեական պետության ԱԳ նախարար Իսրայել Կացը: «Իսրայելին օգնության փաթեթի քվեարկությունը ճնշող երկկուսակցական աջակցությամբ հաստատում է Իսրայելի և ԱՄՆ-ի միջև ամուր կապերն ու ռազմավարական գործընկերությունը և հզոր ազդանշան է ուղարկում մեր թշնամիներին: Հուսով եմ, որ օրինագիծը շուտով կհաստատվի Սենատի կողմից՝ հզոր երկկուսակցական աջակցությամբ», - նշել է նախարարը X-ում:
