ՏԵՍԱՆՅՈՒԹ. Նյու Յորքում տղամարդը հրկիզել է իրեն դատարանի դիմաց

Տղամարդը ինքնահրկիզվել է Մանհեթենի դատարանի շենքի մոտ, որտեղ ընթանում էր ԱՄՆ նախկին նախագահ Դոնալդ Թրամփի քրեական գործով երդվյալ ատենակալների ընտրությունը, հաղորդում է The New York Times-ը: Տղամարդն իր վրա հեղուկ է լցրել, երբ կանգնել է Քոլթ Փոնդի այգում ՝ դատարանի շենքի դիմացի հատվածում: Դա տեղի է ունեցել այգու այն հատվածում, որը շրջափակված էր Թրամփի կողմնակիցների համար։ Ականատեսներն ու ոստիկանները փորձել են մարել կրակը։ Տուժածին տեղափոխել են շտապօգնության մեքենայով, նա գտնվում է ծայրահեղ ծանր վիճակում։

CNN-ի հաղորդավարուհի Լորա Քոութսը տեղի ունեցածը լուսաբանել է ուղիղ եթերում։ «Ես տեսնում եմ ամբողջովին այրված մարդու7, — եթերում ասել է լրագրողը: Նախքան իրեն հրկիզելը, երիտասարդը դատարանի մոտ թռուցիկներ է նետել հակակառավարական դավադրության տեսություններով եւ Նյու Յորքի համալսարանի քննադատությամբ:

Դատարանը ապրիլի 19-ին ավարտել Է Թրամփի քրեական գործով երդվյալ ատենակալների կոլեգիայի ձևավորումը: Այն ունի 12 հիմնական և վեց պահեստային երդվյալ ատենակալներ։

Դոնալդ Թրամփի դեմ չորս քրեական գործերից մեկի դատավարությունը Նյու Յորքում կսկսվի ապրիլի 22-ին: