![Պաղեստինը կվերանայի ԱՄՆ-ի հետ հարաբերությունները](https://auroranews.am/storage/img/base_image/2024-04-20/6623e714946bf.webp)
Պաղեստինը կվերանայի ԱՄՆ-ի հետ հարաբերությունները
![Պաղեստինը կվերանայի ԱՄՆ-ի հետ հարաբերությունները](https://auroranews.am/storage/img/base_image/2024-04-20/6623e714946bf.webp)
Պաղեստինի նախագահ Մահմուդ Աբասը հայտարարել է, որ երկրի իշխանությունները կվերանայեն ԱՄՆ-ի հետ երկկողմ հարաբերությունները՝ կապված ՄԱԿ-ում Պաղեստինի ընդունման ամերիկյան վետոյի հետ։
Այս մասին նա հայտարարել է WAFA-ին տված հարցազրույցում։
«Պաղեստինի ղեկավարությունը կվերանայի Միացյալ Նահանգների հետ երկկողմ հարաբերությունները՝ ապահովելու համար մեր ժողովրդի շահերը, մեր գործը և մեր իրավունքների պաշտպանությունը», - ասել է Պաղեստինի առաջնորդը։
Միևնույն ժամանակ, նա ամերիկյան կողմի կողմից վետոյի օգտագործումը ՄԱԿ-ում Պաղեստինի ընդունման հարցում անվանել է «բացահայտ ագրեսիա պաղեստինյան ժողովրդի իրավունքների դեմ»։ Նա նաեւ ընդգծել է, որ այս որոշումը կարող է ընկալվել որպես միջազգային հանրության կամքին ուղղված մարտահրավեր։