ԱՄՆ-ն՝ բալիստիկ հրթիռների տարածմանը նպաստող մատակարարների մասին
ԱՄՆ Պետդեպարտամենտը հայտարարում է՝ մի շարք մատակարարների է հայտնաբերել, որ «հեշտացնում են բալիստիկ հրթիռների տարածումը»։ Պետդեպարտամենտը հաղորդում է այդ մատակարարների նկատմամբ պատժամիջոցներ սահմանելու մասին։ Ըստ գերատեսչության մամուլի ծառայության՝ ձեռնարկություններից երեքը գտնվում են Չինաստանում, մեկը՝ Բելառուսում։
Պետդեպարտամենը նշում է, որ «այս կառույցները նյութեր են մատակարարել Պակիստանի բալիստիկ հրթիռների, այդ թվում՝ հեռահար հրթիռների ծրագրին»:
Ապրիլի 11-ին էլ Միացյալ Նահանգները պատժամիջոցներ էր սահմանել ռուսական երեք ընկերությունների նկատմամբ՝ «Շահեդ» ԱԹՍ-ների համար մասեր գնելու պատճառով։
