Յուրաքանչյուր օր, երբ օգնությունը հետաձգվում է, նշանակում է ավելի շատ ավերված կյանքեր․ Զելենսկի
Իսրայելին ուղղված իրանական հարվածը հետ մղելուց հետո առավոտյան Ուկրաինայի նախագահ Վլադիմիր Զելենսկին հայտարարեց, որ աշխարհն ունի ամեն ինչ հրթիռներն ու անօդաչու թռչող սարքերը կանգնեցնելու համար:
Սոցիալական ցանցերում իր գրառումը նա ուղեկցել է Ուկրաինայի քաղաքներում ավերածությունների լուսանկարներով՝ Ռուսաստանի հասցրած օդային հարվածներից հետո։
«Աշխարհն ունի այն ամենը, ինչ անհրաժեշտ է՝ դադարեցնելու ցանկացած հրթիռներ, մահապարտ ռումբեր և ահաբեկչության այլ միջոցներ: Աշխարհին պետք են միայն լուծումներ, որոնք կարող են վերադարձնել իրական, հուսալի անվտանգությունը»,- գրել է Զելենսկին:
Նա հավելել է, որ գնդակոծություններից պաշտպանվելու համար Ուկրաինային անհրաժեշտ է գործընկերների աջակցությունը, եւ «յուրաքանչյուր օր, երբ օգնությունը հետաձգվում է, նշանակում է ավելի շատ ավերված տներ, ավելի շատ ավերված կյանքեր»:
