Իսրայելից նշել են` որ երկրներն են օգնել նրանց հետ մղել Իրանի գրnհը

Իսրայելի պաշտպանության բանակի (ՑԱԽԱԼ) պաշտոնական ներկայացուցիչ Դանիել Հագարին հայտարարել է, որ Իսրայելի զինվորականները սերտորեն համագործակցել են ԱՄՆ-ի, Մեծ Բրիտանիայի և Ֆրանսիայի հետ Իրանի կողմից օդային հարձակման ժամանակ՝ նշելով, որ ֆրանսիական ինքնաթիռները պարեկում Էին Իսրայելի երկինքը: Նա հավելել է, որ հստակ տեղեկություններ չունի այն մասին, թե արդյոք նրանք խոցել են Իրանի արձակած հրթիռներից որևէ մեկը:

«Մենք սերտորեն համագործակցում ենք ԱՄՆ-ի, Մեծ Բրիտանիայի և Ֆրանսիայի հետ, որոնք գործել են այս գիշեր։ Ֆրանսիան ունի շատ լավ տեխնոլոգիաներ, ինքնաթիռներ, ռադարներ, և ես գիտեմ, որ նրանք մասնակցել են օդային տարածքի պարեկությանը», — ասաց Հագարին:

Ավելի վաղ Իսրայելի պաշտպանության նախարար Յոավ Գալանտը հայտնել էր, որ Իսրայելը ԱՄՆ-ի և այլ դաշնակիցների օգնությամբ կարողացել է հետ մղել Իրանի հարձակման հիմնական մասը, սակայն այդ արշավը դեռ չի ավարտվել:

Իրանն ապրիլի 13-ի լույս 14-ի գիշերը զանգվածային հարձակում է իրականացրել Իսրայելի վրա։ ՑԱԽԱԼ-ին հաջողվել է որսալ գրոհի 99% -ը։ Նշվում էր, որ իսրայելցի զինվորականները պնդում են, որ վճռական պատասխան կտան Թեհրանին։