Սա մեզ համար կարևորագույն հարց է․ Լուկաշենկո

Բելառուսի նախագահ Ալեքսանդր Լուկաշենկոն հայտնել է, որ իր ռուս գործընկեր Վլադիմիր Պուտինի հետ հանդիպման ժամանակ քննարկել է անվտանգության թեման, ընդ որում դա վերաբերում է ոչ միայն Ուկրաինային: Տեղեկությունը փոխանցում է ՏԱՍՍ-ը։

«Սա մեզ համար կարևորագույն հարց է։ Եվ մի կարծեք, որ մենք ամբողջ ժամանակը նվիրել ենք Ուկրաինային։ Մեզ համար այնտեղ բացարձակապես հասկանալի է այն գործընթացը, որը տեղի է ունենում։ Լրատվամիջոցները, հատկապես Ռուսաստանում, միանգամայն ճիշտ են գնահատում Ուկրաինայի իրավիճակը, այն ամենը, ինչ այնտեղ կատարվում է։ Այնտեղ միայն արկերը չեն, մարդիկ չեն բավականացնում», - ասել Է Լուկաշենկոն լրագրողներին, նրա խոսքը մեջբերում Է БелТА գործակալությունը։

Նա հավելել է, որ այդ պատճառով Ուկրաինայի նախագահ Վլադիմիր Զելենսկու վարկանիշը «98%-ից ընկել է ոչ այն է՝ 14%, ոչ այն է՝ 30%»՝ նշելով, որ այդ «անկումը շատ լուրջ է»։

Լուկաշենկոն նաև ընդգծել է, որ Պուտինի հետ բանակցություններում մթնոլորտը միշտ «շատ լուրջ է, սոլիդ»:

«Մենք մեր բանակցությունները բաժանել ենք երկու մասի։ Այսօրվա պաշտոնական մասը շնորհակալություն է հայտնում մարդկանց (երկու երկրների տիեզերագնացներ-մոտավորապես. ՏԱՍՍ), շնորհավորել մեր ժողովուրդներին տիեզերագնացության օրվա կապակցությամբ, ևս մեկ անգամ նշել, որ մենք միասին յուրացնելու ենք տիեզերքը և Աշխատելու ենք», - ասել է Բելառուսի ղեկավարը։

Լուկաշենկոն հիշեցրել է, որ նախօրեին Կրեմլում քննարկել են նաև տնտեսական խնդիրները, պայմանավորվել են, որ ապրիլի 15-ին կհանդիպեն վարչապետները և անհրաժեշտ որոշումներ կկայացնեն առկա երեք-չորս տնտեսական հարցերի շուրջ:

«Առաջ շարժվել ներմուծման փոխարինման ուղղությամբ, շարժվել դեպի հավասար պայմաններ տնտեսվարող սուբյեկտների և մարդկանց համար ։ Վարչապետները դա մանրամասն կքննարկեն։ Այդ պատճառով մենք առանձնապես չենք խորացել այդ հարցերի մեջ», - նշել է նա։