Պրիգոժինի ֆինանսական կայսրությունը սնանկացման եզրին է
Եվգենի Պրիգոժինի կայսրության մեջ մտնող ընկերությունները սրընթաց գումար են կորցնում Պուտինի «խոհարարի» ապստամբությունից և սպանությունից հետո, տեղեկությունը հետևում է նրանց 2023 թվականի ֆինանսական հաշվետվություններից։ Հայտնում է nexta.tv-ն։
Նրա սպանությունից առաջ Պրիգոժինին պատկանող գրեթե բոլոր ընկերությունները կորուստներ են ունեցել: Նրա՝ «Կոնկորդ Մենեջմենթ և Քոնսալթինգ» ՍՊԸ-ն, կորցրել է 54 միլիոն ռուբլի (Սա «Կոնկորդ» ընկերության Մայր կազմակերպությունն է, որն իր մեջ ներառում է հասարակական սննդի ձեռնարկություններ, շինարարական ընկերություններ և լրատվամիջոցներ)։ Պրիգոժինը «Կոնկորդ»-ի միակ հիմնադիրն էր, իսկ նոր սեփականատերերը թաքնված են բազաներից։ «Կոնկորդ»-ի մեջ մտնող ընկերությունները նույնպես անշահավետ են դարձել՝ կորցնելով գրեթե 60 մլն դոլար։
Գործարարի որդի Պավել Պրիգոժինի ընկերությունների ընդհանուր կորուստը գերազանցել է 1 միլիարդ ռուբլին: Պավելը բացահայտորեն տիրապետում է չորս ընկերությունների, որոնցից երեքը զբաղվում են լախտայի շրջանում բիզնես դասի բնակարանների և բնակելի համալիրների կառուցմամբ։ Այս երեք ընկերությունների ընդհանուր կորուստը կազմել է 1,1 միլիարդ ռուբլի:
Շահույթը կորցնում են բանակը կերակրող ընկերությունները, որոնք վերահսկում էր Պրիգոժինը (դրանք ղեկավարում են նրան մոտ կանգնած մենեջերները, ովքեր ունեն նույն հասցեներն ու հեռախոսահամարները, ինչ անձնական խոհարարները): Եթե պատերազմի առաջին տարում նրանց ընդհանուր շահույթը կազմել է 4,7 միլիարդ, ապա 2023 թվականի արդյունքներով այն նվազել է մինչև 1,4 միլիարդ։ 2024-ին նրանք սնանկանալու վտանգի տակ են։
Շահույթ է ստացել Պրիգոժինի կրտսեր դստեր՝ Վերոնիկայի ընկերությունը։ Նա Սանկտ Պետերբուրգում «Red Stars» հյուրանոցի սեփականատերն է։ 2023 թվականի արդյունքներով Այս հյուրանոցը գրեթե 5 անգամ ավելացրել է շահույթը՝ մինչև 23 միլիոն ռուբլի։
