Իրանը կարող է Իսրայելին պատասխանել 24-48 ժամվա ընթացքում. WSJ
Իրանը Դամասկոսում իր դեսպանատան հյուպատոսական բաժնին իսրայելցի զինվորականների հարվածի կապակցությամբ կարող է պատասխան տալ Իսրայելին 24-48 ժամվա ընթացքում: Նման հայտարարությամբ է հանդես եկել The Wall Street Journal (WSJ) թերթը՝ հղում անելով իր աղբյուրին։ Ըեղեկությունը փոխանցում է ՏԱՍՍ-ը։
Դրա տեղեկություններով՝ Իսրայելը պատրաստվում է Իրանի կողմից հյուսիսից կամ հարավից ուղղակի հարձակման։ Ընդ որում, պարբերականը նշում է, որ Թեհրանը վերջնական որոշում դեռ չի կայացրել։
Ավելի վաղ Axios պորտալը, հղում անելով իր աղբյուրներին, հայտնել էր, որ Իրանի արտգործնախարար Հոսեյն Ամիր Աբդոլլահիյանը Գերմանիայի իր գործընկեր Աննալենա Բերբոքին ասել է, որ Թեհրանը կպատասխանի գնդակոծությանը, սակայն պատասխան միջոցները կսահմանափակվեն, որպեսզի իրավիճակի սրում չառաջանա:
Սպիտակ տան մամուլի քարտուղար Կարին Ժան Պիերը, իր հերթին, կանոնավոր ճեպազրույցի ժամանակ հայտարարել է, որ Միացյալ Նահանգները նախազգուշացրել Է Իրանին Մերձավոր Արևելքում իրավիճակի հետագա սրումից:
