Ֆրանսիայի դեսպանին կանչել են Ռուսաստանի ԱԳՆ

ՌԴ-ում Ֆրանսիայի դեսպան Պիեռ Լեւին կանչվել է Ռուսաստանի ԱԳՆ, որտեղ նրան մատնանշել են Ֆրանսիայի ԱԳ նախարար Ստեֆան Սեժուրնեի հայտարարությունների անընդունելիությունը ռուսական ղեկավարության հետ երկխոսության նկատմամբ Փարիզի հետաքրքրության բացակայության մասին, որն իբր կեղծ հայտարարություններ է հրապարակում, հայտնել են Ռուսաստանի դիվանագիտական գերատեսչությունում: Տեղեկությունը փոխանցում է ՌԻԱ Նովոստին։

«Ապրիլի 12-ին Ռուսաստանի ԱԳՆ է կանչվել Ռուսաստանի Դաշնությունում Ֆրանսիայի Հանրապետության արտակարգ և լիազոր դեսպան Պ. Լևին», - ասվում է ԱԳՆ կայքում տեղադրված հաղորդագրության մեջ:

Նշվում է, որ Ստեֆան Սեժուրնեի՝ «ռուսական պաշտոնատար անձանց հետ խոսելու ֆրանսիական կողմի հետաքրքրության բացակայության մասին, քանի որ նրանց կողմից հրապարակվող հայտարարություններն իբր կեղծ տեղեկություններ են պարունակում» արտահայտությունների ֆոնին ՌԴ ԱԳՆ-ում Ֆրանսիայի դեսպանին մատնանշել են նման հայտարարությունների անընդունելիությունը, որոնք «իրականության հետ ոչ մի ընդհանուր բան չունեն»:

«Ֆրանսիայի արտաքին քաղաքական գերատեսչության ղեկավարի այս արտահայտությունները գնահատում ենք որպես ֆրանսիական կողմի գիտակցված և մտածված գործողություն, որն ուղղված է երկու երկրների միջև ցանկացած երկխոսության բուն հնարավորության խաթարմանը», - ընդգծել են Ռուսաստանի ԱԳՆ-ում: