Քաղաքականություն

Մակրոնը կրակի հետ է խաղում․ անտեսվում են մեր նախազգուշացումները․ ՌԴ ԱԳՆ

Մակրոնը կրակի հետ է խաղում․ անտեսվում են մեր նախազգուշացումները․ ՌԴ ԱԳՆ
Ֆրանսիայի նախագահ Էմանուել Մակրոնը կրակի հետ է խաղում՝ քննարկումներ սկսելով Ուկրաինա զորամիավորումներ ուղարկելու հնարավորության շուրջ: Այս մասին ՏԱՍՍ-ին տված հարցազրույցում հայտարարել է ՌԴ ԱԳՆ ԱՊՀ…

Ֆրանսիայի նախագահ Էմանուել Մակրոնը կրակի հետ է խաղում՝ քննարկումներ սկսելով Ուկրաինա զորամիավորումներ ուղարկելու հնարավորության շուրջ: Այս մասին ՏԱՍՍ-ին տված հարցազրույցում հայտարարել է ՌԴ ԱԳՆ ԱՊՀ երկրների երկրորդ դեպարտամենտի ղեկավար Ալեքսեյ Պոլիշչուկը։


«Նման խոսակցությունները չեն կարող անհանգստություն չառաջացնել։ Ուկրաինայում ռազմական միջամտության կոչ անող քաղաքական գործիչները կրակի հետ են խաղում», - ասել է դիվանագետը՝ մեկնաբանելով Ֆրանսիայի նախագահի համապատասխան արտահայտությունները։


Նրա խոսքով՝ շատ արեւմտյան քաղաքական գործիչներ սեփական երկրների ազգային շահերը զոհաբերում են քաղաքական կոնյունկտուրային եւ նախընտրական շահերին։


«Տպավորություն է ստեղծվում, որ նրանք չեն գիտակցում էսկալացիայի ռիսկերը և ճգնաժամի տարածումը։ Սա քաղաքական ինֆանտիլիզմ է։ Անտեսվում են մեր նախազգուշացումները Կիեւի ռեժիմին զենք մատակարարելու շարունակության հետեւանքների մասին», - ընդգծել է Պոլիշչուկը։


Ավելի վաղ Մակրոնը հայտնել էր, որ Փարիզում մոտ 20 արևմտյան պետությունների ներկայացուցիչների մասնակցությամբ Հանդիպման ժամանակ բարձրացվել է Ուկրաինա ցամաքային զորքերի հնարավոր ուղարկման թեման: Նրա խոսքով՝ մասնակիցներն այդ հարցի շուրջ համաձայնության չեն եկել, սակայն նման սցենարը ապագայում բացառել չի կարելի:

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (8307) Միջազգային (3576) ԱՄՆ (2409) Ռուսաստան (2341) Իրան (1811) Ընտրություններ (1286) Ուկրաինա (947) Երևան (831) Իսրայել (771) Ադրբեջան (693) Փաշինյան (624) Եվրոպա (541) Ազգային ժողով (527) Ընդդիմություն (506) Թրամփ (464)

Radio Aurora

Լսել Radio Aurora

Գովազդային տարածք

300x250