Իռլանդիան ընտրել է երկրի պատմության մեջ ամենաերիտասարդ վարչապետին
Իռլանդիայի կոալիցիոն կառավարության մաս կազմող Fine Gael կուսակցության նոր առաջնորդ Սայմոն Հարիսը կդառնա հանրապետության վարչապետ։ Նրան կողմ է քվեարկել Իռլանդիայի խորհրդարանի անդամների մեծամասնությունը:
Հարիսի թեկնածությունը պաշտպանել է 88 պատգամավոր, դեմ է քվեարկել 69-ը։ Այսպիսով, 37-ամյա քաղաքական գործիչը կդառնա երկրի պատմության մեջ ամենաերիտասարդ վարչապետը։
Հարիսն օրվա ընթացքում կհանդիպի Իռլանդիայի նախագահ Մայքլ Հիգինսի հետ և կհաստատվի կառավարության ղեկավարի պաշտոնում։ Այնուհետև նա վերանշանակումներ կանի նախարարների կաբինետում:
