ՏԵՍԱՆՅՈՒԹ. «Ես խոստանում եմ, որ չեմ պարի». Շոլցը գրանցվել է TikTok սոցիալական հարթակում
Գերմանիայի կանցլեր Օլաֆ Շոլցը գրանցվել է TikTok սոցիալական ցանցում։ Այս մասին իր կայքում հայտնել է Գերմանիայի դաշնային կառավարության մամուլի եւ տեղեկատվության վարչությունը։
«Նոր ալիքի օգնությամբ դաշնային կառավարության մամուլի ծառայությունը ընդլայնում է այն քաղաքացիներին տրամադրվող տեղեկատվության շրջանակը, ովքեր ավելի շատ են TikTok-ում կիսվում քաղաքականության մասին տեղեկություններով», - ասվում է հայտարարության մեջ:
Էջը տեղեկատվություն կտրամադրի Շոլցի և Գերմանիայի կառավարության աշխատանքի մասին, ինչպես նաև «թույլ կտա դիտել առօրյա կառավարական կյանքի կուլիսները»:
Գերմանիայի կանցլերը, մեկնաբանելով TikTok էջի ստեղծումը, ասել է, որ չի պարի տեսանյութերում։
«Ես խոստանում եմ, որ չեմ պարի»,- գրել է կանցլերը X սոցիալական ցանցում (նախկինում՝ Twitter):
