Ռուսաստանը Ղազախստանից բենզին է կպահանջի դեֆիցիտի դեպքում. Reuters
Ռուսաստանը Ղազախստանի հետ պայմանավորվել է 100 հազար մետրիկ տոննա բենզին մատակարարել ռուսական նավթավերամշակման գործարանների վրա ուկրաինական հարձակումների հետ կապված դեֆիցիտի դեպքում։ Այս մասին գրում է Reuters-ը՝ վկայակոչելով ոլորտի երեք աղբյուրների։
Բելառուսն արդեն համաձայնել է օգնել Ռուսաստանին բենզինի մատակարարումների հարցում, գրում է գործակալությունը։
Ըստ Ռոսստատի մարտի վերջի տվյալների՝ Ռուսաստանի Դաշնությունում բենզինի արտադրությունը տարեկան կտրվածքով նվազել է 14,3%-ով։ Դա պայմանավորված է Ռուսաստանի նավթավերամշակման գործարանների վրա ուկրաինական անօդաչու թռչող սարքերի հարձակումներով։ CNN-ը նշում է, որ հարձակումներն ավելի արդյունավետ են, քան եվրոպական պատժամիջոցները, քանի որ դրանց թիրախը վառելիքի վերամշակման օբյեկտներն են, որոնք հնարավոր չէ վերականգնել առանց արևմտյան թանկարժեք սարքավորումների։
2024 թվականի մարտի 1-ից Ռուսաստանում վերսկսվեց վառելիքի արտահանման արգելքը, սակայն բորսայում բենզինը շարունակում է թանկանալ։
