Չինաստանի ԱԳՆ-ն կոչ Է արել ԱՄՆ-ին

Չինաստանի ԱԳՆ պաշտոնական ներկայացուցիչ Մաո Նինը երկուշաբթի կայացած ճեպազրույցում հայտարարել է, որ Չինաստանը միշտ դեմ է եղել ԱՄՆ-ի կողմից Ասիա-խաղաղօվկիանոսյան տարածաշրջանում հրթիռների տեղակայմանը՝ հանուն ռազմական գերակայության, կոչ է անում Վաշինգտոնին դադարեցնել տարածաշրջանային խաղաղության և կայունության խախտումը: Տեղեկությունը փոխանցում է ՌԻԱ Նովոստին։

Ավելի վաղ Խաղաղօվկիանոսյան տարածաշրջանում ԱՄՆ ցամաքային զորքերի հրամանատար Չարլզ Ֆլինը Տոկիոյում «Իոմիուրի» թերթին տված հարցազրույցում հայտարարել էր մոտ ժամանակներս Հնդկա-խաղաղօվկիանոսյան տարածաշրջանում միջին հեռահարության հրթիռներ տեղակայելու ԱՄՆ մտադրության մասին: Նրա խոսքով՝ Չինաստանի արդիականացվող հրթիռների հարցում «հակազդեցության միջոց գտնելը ամերիկյան ցամաքային զորքերի չափազանց կարեւոր դերն է»:

«Չինական կողմը միշտ դեմ է եղել ԱՄՆ-ի կողմից միջին հեռահարության հրթիռների տեղակայմանը Ասիա-խաղաղօվկիանոսյան տարածաշրջանում՝ միակողմանի ռազմական գերազանցություն ստանալու համար, ընդդեմ Չինաստանի դարպասների մոտ դրանց տեղակայման ուժեղացման։ Կոչ ենք անում ամերիկյան կողմին իսկապես հարգել անվտանգության ոլորտում այլ երկրների մտահոգությունները և դադարեցնել խաթարել տարածաշրջանային խաղաղությունն ու կայունությունը»,-ասել Է Մաո Նինը։