Սա իսկապես փոխելու է մեր հարաբերությունները և՛ ԵՄ-ի, և՛ ԱՄՆ-ի հետ. Արմեն Գրիգորյան

Սա մի իրադարձություն է, որը իսկապես փոխելու է մեր հարաբերությունները և ԵՄ-ի, և ԱՄՆ-ի հետ։ Այս մասին Հանրայինի եթերում հարցազրույցի ժամանակ ասել է ԱԽ քարտուղար Արմեն Գրիգորյանը։

«Օրակարգային հարցերը հիմնականում տնտեսական են։ Տնտեսական այն առումով, որ մենք ցանկանում ենք հասանելիություն ստանալ տեխնոլոգիաների և շուկաների և Եվրամիության տարածքում, ինչպես նաև ԱՄՆ շուկայում։ Մեր նպատակն է այս իրադարձության շրջանակներում կարողանալ այդ օրակարգերը առաջ մղել:

Սա մի իրադարձություն է, որը իսկապես փոխելու է մեր հարաբերությունները և Եվրամիության հետ և ԱՄՆ-ի հետ, բայց սա շարունակական պրոցես է և ես ասեմ, որ և մենք և ԵՄ-ն, ու ԱՄՆ-ն աշխատանքներ ունենք անելու այս հարաբերությունների համար։

Քննարկվելու է հիմնականում տնտեսական հարցեր, ինչպես նաև ԼՂ-ից տեղահանվածներին օգնելու հարցեր», -ասել է նա։

«Տնտեսական մեր մեկ կետից փոխկապվածությունը պետք է փոխվի։ Տնտեսական կախվածությունը պետք է փոխարինենք շատ գործընկերներից տնտեսապես փոխհարաբերություններ ունենալու։ Տարածաշրջանային հարցեր մենք այնտեղ չենք քննարկելու», - հավելեց նա։