ՌԴ ԱԳՆ-ն դատապարտում է իրանական հյուպատոսության վրա Իսրայելի հարձակումը

ՌԴ ԱԳՆ-ն դատապարտել է Իսրայելի հարձակումը Սիրիայում իրանական հյուպատոսության վրա: Գերատեսչությունից հայտնել են, որ դիվանագիտական և հյուպատոսական օբյեկտների նկատմամբ ոտնձգություններն անընդունելի են:

«Իսրայելի ագրեսիվ գործողություններն անթույլատրելի են և պետք է դադարեցվեն։ Անհրաժեշտ ենք համարում միջազգային հանրության բոլոր պատասխանատուների հստակ դիրքորոշումը և համապատասխան իրավական գնահատականը այս գործողություններին:

«Կոչ ենք անում Իսրայելի ղեկավարությանը հրաժարվել Սիրիայի և այլ երկրների տարածքում սադրիչ ուժային ակցիաներից», - ասվում է հայտարարության մեջ: