ԱՄՆ-ն դատապարտում է Իսրայելի հարվածը Գազայի հատվածին, որի հետևանքով զոհվել են 7 ՀԿ անդամներ
Միացյալ Նահանգները դատապարտում է Իսրայելի հարվածը Գազայի հատվածին, որի արդյունքում զոհվեցին «World Central Kitchen» միջազգային ոչ առևտրային կազմակերպության յոթ անդամներ, ասել է ԱՄՆ Անվտանգության խորհրդի ռազմավարական հաղորդակցությունների համակարգող Ջոն Քիրբին։
«Մենք վրդովված ենք՝ իմանալով Իսրայելի պաշտպանության բանակի երեկվա հարվածի մասին, որի հետևանքով զոհվեցին մի քանի քաղաքացիական օգնականներ World Central Kitchen-ում», - ասել է Քիրբին լրագրողների համար ճեպազրույցի ժամանակ:
Այնուհետև Քիրբիին հարցրել են, թե ինչու է Միացյալ Նահանգները միայն «վրդովված» և չի դատապարտում հարվածը:
«Կարծում եմ, երբ մենք ասում ենք, թե վրդովված ենք, դուք կարող եք դա ճիշտ բնութագրել որպես բուն հարձակման դատապարտում», - պատասխանել է Սպիտակ տան խոսնակը:
