Հնդկաստանում հակակառավարական ցույցեր են անցկացվել
Հնդկական ընդդիմադիր կուսակցությունները միասնություն դրսևորիցին՝ բողոքելով ընդդիմության առաջնորդ և Դելիի գլխավոր նախարար Արվինդ Քեջրիվալի՝ համապետական ընտրություններից շաբաթներ առաջ ձերբակալման դեմ: Դրա մասին հայտնել է «Ամերիկայի ձայնը»։
Վարչապետ Նարենդրա Մոդիին և նրա կուսակցությանն ընդդիմությունը մեղադրում է ձայները կեղծելու և ընդդիմադիր ուժերին հարկային ոլորտում հետապնդելու մեջ։
«Նարենդրա Մոդին փորձում է կեղծել ընտրությունները», - ասել է Հնդկական ազգային կոնգրեսի առաջնորդ Ռահուլ Գանդին Նյու Դելիում հանրահավաքի ժամանակ:
Մոդիի սուր քննադատ Քեջրիվալը՝ հակակոռուպցիոն խաչակիր և ընդդիմադիր «ԻՆԴԻԱ» դաշինքի առաջնորդներից մեկը, կաշառակերության մեղադրանքով ձերբակալվել է մարտի 21-ին՝ սպասվող ընտրություններից առնվազն մեկ ամիս առաջ ոգելից խմիչքի արտոնագրեր տրամադրելիս: Նշվում է, որ ընտրությունները Մոդին հնարավորություն կընձեռեն երրորդ անգամ ղեկավարելու կառավարությունը։
Քեջրիվալի «Աամ Աադամի» կուսակցությունը պնդում է, որ քրեական գործը շինծու է և քաղաքական դրդապատճառներ ունի:
Մոդիի կառավարությունը և նրա Բհարատիա Ջանատա կուսակցությունը (BJP) հերքել են քաղաքական միջամտությունը և շեշտել, որ իրավապահ մարմինները պարզապես իրենց գործն են անում:
Մոդին ընդգծել է, որ պայքարում է կոռուպցիայի դեմ, մինչդեռ ընդդիմությունը փորձում է պաշտպանել կոռումպացվածներին։
«Խոշոր կոռումպացվածները ճաղերի հետևում են, և նույնիսկ Գերագույն դատարանը չի ազատում նրանց», - հայտարարել է Մոդին կիրակի Ուտար Պրադեշ նահանգում անցկացված հանրահավաքում:
Հնդկական ազգային կոնգրեսը պնդում է, որ ի լրումն Հնդկաստանի ֆինանսական հանցագործությունների դեմ պայքարի գործակալության ձեռնարկած ձերբակալությունների և արշավների, բախվում է «հարկային ահաբեկչության»՝ կառավարության հարկային մեծ պահանջների և մի քանի բանկային հաշիվների սառեցման պատճառով:
Մոդիի կառավարության քննադատներն ասում են, որ երկրի վարչապետը և նրա կուսակցությունը հետաքննական մարմինները և հարկային ծառայությունն օգտագործում են քաղաքական հակառակորդներին թիրախավորելու համար:
Վարչապետ Մոդիի կուսակցությունը հերքում է մեղադրանքը:
