Զելենսկին աշխատանքից ազատել է մի շարք խորհրդականների և օգնականների

Վլադիմիր Զելենսկին շաբաթ օրը աշխատանքից ազատել է մի շարք խորհրդականների և օգնականների, այդ թվում՝ «Կվարտալ-95» ստուդիայի տնօրեն և հիմնադիր Սերգեյ Շեֆիրին, ասվում է նրա գրասենյակի կայքում: Տեղեկությունը փոխանցում է ՌԻԱ Նովոստին:

«Շեֆիր Սերգեյ Նախմանովիչին ազատել Ուկրաինայի նախագահի առաջին օգնականի պաշտոնից», - ասվում է հրամանագրում, որը հրապարակվել է Զելենսկու գրասենյակի կայքում:

Զելենսկին նաև աշխատանքից ազատել է մի շարք խորհրդականների՝ Օլեգ Ուստենկոյին, Սերգեյ Տրոֆիմովին, Միխայիլ Ռադուցկիին, բացի այդ, աշխատանքից հեռացվել են «Ուկրաինայի նախագահի լիազոր ներկայացուցիչ Ուկրաինայի պաշտպանների իրավունքների ապահովման հարցերով» խորհրդական Ալյոնա Վերբիցկայան և «Ուկրաինայի նախագահի լիազոր ներկայացուցիչ կամավորական գործունեության հարցերով» խորհրդական Նատալյա Պուշկարևան։

Բաց աղբյուրների տվյալներով՝ Զելենսկու առաջին օգնականի պաշտոնը Շեֆիրը զբաղեցրել է 2019 թվականից։ Նա սերիալների պրոդյուսեր է, «Կվարտալ-95» ստուդիայի տնօրեն, որի շնորհիվ Զելենսկին մեծ քաղաքականության ուղեգիր է ստացել։