Նրանք չեն օգնի լուծել տարածաշրջանային հարցերը, ընդհակառակը, կսրեն դրանք. Ադրբեջանում Իրանի դեսպան
Տարածաշրջանում արևմտյան երկրների միջամտության փորձը հաջողված չի համարվում։ Այս մասին ասել է Ադրբեջանում Իրանի դեսպան Սեյիդ Աբբաս Մուսավին։ Տեղեկությունը փոխանցում են ադրբեջանական ԶԼՄ-ները:
Նրա խոսքով՝ Իրանը միշտ պնդել է, որ տարածաշրջանային խնդիրները լուծվեն տարածաշրջանի երկրների ներուժի օգտագործման միջոցով:
«Նրանք (տարածաշրջանից դուրս գտնվող երկրները) չեն օգնի լուծել տարածաշրջանային հարցերը, ընդհակառակը, կհանգեցնեն դրանց սրմանը։ Քանի որ այդ երկրները հիմնականում փորձում են ապահովել իրենց շահերը, այլ ոչ թե տարածաշրջանի երկրների շահերը», - ասել է Մուսավին։
Դեսպանը նշել է, որ, իր կարծիքով, տարածաշրջանի երկրներն ունակ են ինքնուրույն լուծել իրենց խնդիրները:
«Իրանը շարունակում է երկկողմ և բազմակողմ շփումներն այդ ուղղությամբ»,- հավելել է նա:
