ԵՄ-ն արգելել է թուրքական ավիաընկերությանը թռչել Եվրոպայով. հայտնի է պատճառը

Եվրամիությունն Անթալիայում տեղակայված South wind Airlines ավիաընկերությանը արգելել է թռիչքներ իրականացնել դաշինքի երկրների տարածքում՝ Ռուսաստանի հետ ունեցած «կապերի» պատճառով, գրում է թուրքական Turizm Güncel պարբերականը: Տեղեկությունը փոխանցում է ՌԻԱ Նովոստին:

Ինչպես ասվում է հոդվածում, ԵՄ-ն որոշման մասին հայտարարել Է հինգշաբթի օրը, իրավական հիմք է հանդիսացել 2014 թվականի հուլիսյան պատժամիջոցային կանոնակարգը, որը ենթադրում է պատժամիջոցներ Ռուսաստանի դեմ Ուկրաինայում տիրող իրավիճակի պատճառով: Լրատվամիջոցը Եվրամիության որոշումը սկանդալային է անվանել։

Նախօրեին Ռուսաստանի տուրօպերատորների ասոցիացիան (АТОР) հայտնել էր Շարմ Էլ Շեյխից ռուս զբոսաշրջիկների հետ Մոսկվա չվերթի մեկնումն անորոշ ժամանակով հետաձգելու մասին, ենթադրյալ պատճառը Southwind-ի նկատմամբ Եվրամիության արգելքն է: АТОР-ում պարզաբանել են, որ հինգշաբթի Բրյուսելը ԵՄ անդամ երկրներին հայտարարել է, որ Southwind Airlines — ը (Cortex Aviation and Tourism Trade-ի պաշտոնական անվանումը) արգելել է Եվրոպայում թռչել եւ վայրէջք կատարել պատժամիջոցների կանոնակարգի համաձայն:

Ասոցիացիան նշել է, որ դա չի ազդի Թուրքիայից թռիչքների վրա, որտեղ Southwind-ը նույնպես թռիչքներ է իրականացնում Ռուսաստանից, «դրանք կիրականացվեն մի փոքր ավելի երկար»։