Վերջին ամիսները ամենահանգիստ ժամանակաշրջաններից մեկն են հայ-ադրբեջանական սահմանին․ Հաջիև

Վերջին վեց ամիսները երկու երկրների պատմության մեջ դարձել են հայ-ադրբեջանական սահմանի ամենահանդարտ շրջաններից մեկը։ Այս մասին չինական Phoenix հեռուստաալիքի եթերում Ադրբեջանին նվիրված հաղորդման ժամանակ ասել է Ադրբեջանի նախագահի օգնական Հիքմեթ Հաջիևը։

«Այսօր Հայաստանն ու Ադրբեջանը ավելի քան երբևէ մոտ են խաղաղությանը, վերջին վեց ամիսները երկու երկրների պատմության մեջ ամենահանգիստ ժամանակաշրջաններից մեկն են հայ-ադրբեջանական սահմանին, 30 տարի շարունակ բանակցություններ են վարվել ԵԱՀԿ Մինսկի խմբի հովանու ներքո։

Խումբը, որի համանախագահներն էին Ֆրանսիան և ԱՄՆ-ը, գործնականում անարդյունավետ էր, այսօր խաղաղությունն ավելի մոտ է, քան երբևէ, տարածաշրջանում դե ֆակտո խաղաղություն է տիրում»,- ասել է նա: